Trekk frå folkelivet i Bø i eldre tider

Årsskrift nr 2 frå Bø Museum.

Arkivet etter Knut H. Nordbø som døydde i 1944 er nå å finne i Bø lokalhistoriske arkiv. Knut Nordbø var korrespondent i "Varden" frå 1883 til han var 70 år. Han skreiv og i andre aviser og blad, og han gav ut eit par bøker. Han førde liste over det han skreiv, og det som blei trykt i "Varden" har han teke vare på i utklippsbøker.

Det er noko av dette unike kjeldestoffet arkivet har nytta i årboka 1991. Og her er nok å ause av så det kan bli fleire slike bøker i åra som kjem. Ein har valt å halde på Knuts eige målform.