Ola Andreassen Norsk-Amerikaneren frå Bø

Ola Andreassen var fødd og oppvaksen på plassen Sagamyra ved Oterholt i Bø.

Ola var sterkt bunden til heim og foreldre, og han heldt seg heime også etter han var vaksen. Ein eldre bror hadde utvandra i 1880, og i 1889 kom det brev med tilbod om at Ola skulle få fri reise til den nye verda, han skulle få fri billett. Han tenkte på å seia nei til tilbodet, men foreldra hans sa: Når du har fått tilbod om fri reise, Ola, så bør du ta imot dette.

Så blei det til at han dro, enda det var tungt å skiljast frå heimbygda og heimlandet.